شبعنا من السياسة و السياسيين ...
شبعنا من المحادثات و المعاهدات و من الكذابين..
ما في سلام في البلاد و صعب يكون ...
ما دام في ناس شعبها عم بتخون ...
و بيهون عليها الوطن و الشعب المسجون ...
حرام يا هالشعب يلي عم بتموت ...
حرام العمر يلي عم بيفوت ...
ما عدنا قادرين على السكوت ...
و اذا حكينا صوتنا مش مسموع ...
و اذا بكينا ما فيها العين دموع ...
و اذا هاجرنا و تركنا هالبلاد ...
ما بنقدر عنها لحظة نكون بعاد ...
و الحل مش قريب و بعيد كتير ...
و الذنب مش ذنب الشعب و لا ذنب الاسير ...
الذنب جاي من ناس بتحب نفسها ...
و ما بدها هالارض المحتلة في يوم حرة تصير .